Раштавăн 16-мĕшĕнче И.Н. Ульянов ячĕллĕ Чăваш патшалăх университечĕн Чăваш филологийĕпе культура факультечĕ йĕркеленнĕренпе 20 çул çитет. Çак датăпа палăртас тĕлĕшпе факультет шкул ачисен хушшинче олимпиадăсемпе тĕрлĕ ăмăртусем ирттерет:
● «Янра, чăваш чĕлхи» сочинени ăмăртăвĕ (8-9 классем, сочиненисене факультета раштавăн 15-мĕшĕччен ярса памалла);
● «Чи лайăх илемлĕ хайлав» — сăвă, калав, эссе, тĕрленчĕк (8-9 классем, хайлавсене факультета раштавăн 15-мĕшĕччен ярса памалла);
● Раштавăн 16-мĕшĕнче — 10-11 классенче вĕренекенсем хушшинче «Чăваш чĕлхи тата литература» олимпиада (пуçламăшĕ 9 сехетре, 2-01 аудитори);
● Раштавăн 16-мĕшĕнче — 10-11 классенче вĕренекенсем хушшинче «Культура родного края» олимпиада (пуçламăшĕ 9 сехетре, 2-03 аудитори);
● Сăвă вулакансен ăмартăвĕ — пуçламăш классем (раштавăн 16-мĕшĕнче, пуçламăшĕ 9 сехетре);
● «Чĕлхе, литература, тăван ен культури» олимпиада — 5-6 класра вĕренекенсем хушшинче (раштавăн 16-мĕшĕнче 9 сехетре иртĕ)

 

Шкул ачисен ĕçĕсене сумлă жюри членĕсем хаклĕç. Шкул ачисене те вĕсен вĕрентекенĕсене те сертификатсем пама палăртнă, çĕнтерӳçĕсене дипломсем кĕтеççĕ.

Сочиненисене вăраха ямасăр çак адреспа çитерме тăрăшăр: Шупашкар хули, Университет урамĕ, 38-мĕш çурт, 229 пӳлĕм .Тел.: 45-23-39, 58-18-40. Факультетпа çыхăнмалли телефон: (8-8352) 45-03-37 (31-01).

E-mail: galiil69@mail.ru (Ильина Галина Геннадьевна — студентсен ăслăлăх пĕрлешĕвĕн ертӳçи).

Карас телефонĕ: 8-937-370-15-82.